رايكم شنو في طمع البت دي

مادام هى ما راعت شعورك ولا ضميرا هى استحى
أنساها والبكا مابيفيد قشقش دموعك وأمسحا
كلمنى شن وداك قبيل تظهر مشاعرك تفضحا
خليت حى السوق رياض يانعة وزهورا مفتحة
طولت إيدك لى قطوف زهرة وغميسة مسارحا
زى ما هى عاشقة الإغتراب برضو أنت عاشق ملمحا
ما كنت يا مظلوم دوام دايماً تشكرا تمدحا
وما ترضى لو كان بالغلط بى كلمة انسان يجرحا
ما كت فوق كل البنات تسرد محاسنا تشرحا
كانت عواطف إنسان ضعيف ساكت جناحى مجنحا
انشاء الله منها تتعظ تكون عظات تتوشحا
كانت حساباتك غلط فى القسمة والضرب اتمحا
اتأنى فى جبر الكسور براحة أجمعا وأطرحا
وآخر شى كان تعلرف براك حتى الغرام بقى مصلحة
بت حوة يا مظلوم بقت بالمال عقولا ملقحة
يا ريت قلوبنا الناس بعد ما تحب تخش المشرحة
يبدو المكامن فى القلوب كيف الشرايين تنضحا
يتراجع الأخدو اللسان صح والله زى ضل الضحى
مغرورة ما دارت سكون بلدن شقاوة ودردحة
لا تمشى تنزل بى تحت لا حتى أرضك تنقحا
لا بوغة لا موية شراب لا واطة ماها مصلحة
لا شلت للمحرات فطور لا شتلة ماها مصفحة
كانت قبيل طمعانة فيك فارسن جيوبو متمسحة
دايراكا يوم جيت للعرس نار الله فى الناس تقدحا
الشيلة بالشنط الكبار مقفولة راقدة مبطحة
فى الحلى والناس دار تشوف راجين متين تجى تفتحا
وكان بالا فى شهر العسل طول الزمن ما يبرحا
ترحل معاك لى بيت كبير موكيت وحيطو مسلحة
عربيتك الملك الحلال ..جلد النمر والملفحة
بوتوجاز مولع وديب فريزر وأب رموت والمروحة
تسرق مناها قبل يتم وكل المشاعر تضبحا
ويا جعفر الحياه مالزول بياكل درسة ودايما مقررا فى الصحى
ممكن نعينك فى الدروس لو إنت غلبك تشرحا
وأعرف بأنو أول درس المقدحا

شقي الدنيا

الله لي منها
بت الطمع دي بقت كتييييييييييييييييييرة
يا اولااد هوي اعملو حسابكم
البنات بقو صعبات الزمن ده :afro: :afro:

جد والله كترو البنات الزى ديل الواحدة داير تمتع نفسها وما هماها لا مشاعر لا حب لا استقرار

النوعيات دى كتيرة اعملو حسابكم

lol!